Հայաստանի մարմնամարզության հավաքականի անդամ, Եվրոպայի չեմպիոն, աշխարհի առաջնության բրոնզե մեդալակիր Հարություն Մերդինյանն ավարտում է պրոֆեսիոնալ կարիերան:
«Արմենպրես»-ի հետ զրույցում այս մասին հայտնեց Հարություն Մերդինյանը:
Հարություն Մերդինյանը նժույգ-թափերի Եվրոպայի առաջնության կրկնակի չեմպիոն է (2016, 2022): Նա Եվրոպայի առաջնության եռակի բրոնզե մեդալակիր է, մեկ անգամ էլ դարձել է արծաթե մեդալակիր: 2015 թվականին Շոտլանդիայի Գլազգո քաղաքում կայացած աշխարհի առաջնությանը Մերդինյանն առաջին անգամ նվաճեց բրոնզե մեդալը և նույն հաջողությունը կրկնեց նաև 2022 թվականին` Լիվերպուլում կայացած առաջնության ժամանակ:
Published by Armenpress, original at https://armenpress.am/hy/article/1204399?fbclid=IwY2xjawGasbdleHRuA2FlbQIxMQABHdNfD4xFZbKTpUfTCP49wWbnMePKwTAhWJGzCxD6D1vEUqC4YGgFYu6hxg_aem_-0_LE8-1aI3ubKR3XyNNXw
