Իրանի նախագահ Մասուդ Փեզեշքիանը կառավարության նիստում հայտարարել է Իսլամական հանրապետության մայրաքաղաքը տեղափոխելու ծրագրի մշակման մեկնարկի մասին։
Այս մասին հայտնում է ISNA գործակալությունը՝ նշելով, որ նախագահը պլանի պատրաստման պատասխանատու է նշանակել իր առաջին տեղակալին։
«Այս հարցի անտեսումը կարող է հանգեցնել նրան, որ ապագայում մեր երկիրը բախվի բնապահպանական ճգնաժամի և բազմաթիվ այլ խնդիրների»,- նշել է նա:
Սեպտեմբերի 7-ին Իրանի նախագահը հայտարարել էր մայրաքաղաքը Թեհրանից Պարսից ծոցի ափ տեղափոխելու անհրաժեշտության մասին։ Ինչպես նշել էր պետության ղեկավարը, Թեհրանը ներկայումս բախվում է խնդիրների, որոնք այլ կերպ հնարավոր չէ լուծել։
