ՌԴ նախագահ Վլադիմիր Պուտինը չի նախատեսում դեկտեմբերի 13-ին հանդիպել Հայաստանի վարչապետ Նիկոլ Փաշինյանի հետ, լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Փաշինյանը Մոսկվա է մեկնել այսօր առավոտյան՝ մասնակցելու Եվրասիական միջկառավարական խորհրդի նիստին։
«Այսօր առանձին հանդիպումներ նախատեսված չեն, այնտեղ աշխատանքն ընթանում է վարչապետների ծրագրով»,- ասել է Կրեմլի ներկայացուցիչը՝ պատասխանելով ՏԱՍՍ-ի համապատասխան հարցին։
Միջկառավարական խորհուրդը կազմված է Հայաստանի, Բելառուսի, Ղազախստանի, Ղրղզստանի և Ռուսաստանի կառավարությունների ղեկավարներից։
Հիշեցնենք, որ Եվրասիական միջկառավարական խորհրդի հերթական նիստը նախագահելու է ՀՀ վարչապետ Նիկոլ Փաշինյանը:
