Ալմաթի-Անթալիա չվերթի Air Astana ավիաընկերության Airbus A321 ինքնաթիռը տեխնիկական անսարքության պատճառով հարկադիր վայրէջք է կատարել Ակտաու քաղաքի օդանավակայանում։
Այս մասին հայտնում է Kazinform լրատվական գործակալությունը՝ վկայակոչելով ավիաընկերությանը։
Ըստ աղբյուրի՝ ակնկալվում է, որ չվերթը կմեկնարկի հունվարի 9-ի առավոտյան՝ ժամը 9:20-ին, քանի որ առկա է Ալմաթիից պահեստամասերի առաքման անհրաժեշտություն:
Ուղևորները տեղափոխվել են հյուրանոցներ և ապահովվել սննդով։
