Մոսկվայի դատախազությունը քրեական հետապնդում է հարուցել բլոգեր Արսեն Մարկարյանի նկատմամբ:
Այս մասին հայտնել են ռուսական լրատվամիջոցները:
Որպես պատճառ նշվում է բլոգերի հարցազրույցը, որի ժամանակ, Մարկարյանն իբր կոչ է արել անօդաչու սարքերով հարձակվել Ռուսաստանի վրա:
Դատախազությունն իր նյութերը փոխանցել է քննչական մարմիններին՝ ահաբեկչության հրապարակային կոչերի հիմքով քրեական գործ հարուցելու համար:
«Осторожно, Москва»-ն տեղեկացրել է, որ բլոգեր Դմիտրի Լարինի հետ հինգ ժամ տևած հարցազրույցի մի հատվածում Մարկարյանը խոսել է ուկրաինական բանակին նվիրատվությունների և անօդաչու սարքեր օգտագործելու հնարավորության մասին։
