Փրկարար ծառայությունից տեղեկացնում են, որ Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները փակ են:
Սարավան-«Զանգեր» կոչվող ճանապարհահատվածը կցորդիչով բեռնատարների համար է փակ:
Կիրանց-Ոսկեպար ավտոճանապարհը բեռնատարների համար է դժվարանցանելի:
Վարդենյաց լեռնանցքը դժվարանցանելի է կցորդիչով բեռնատարների համար:
Սյունիքի, Տավուշի մարզերում, Արագածի տարածաշրջանում, Սարավան-«Զանգեր» կոչվող հատվածում, Վարդենյաց լեռնանցքում, Տիգրանաշենի ոլորաններում, Վանաձոր, Ստեփանավան, Տաշիր, Սպիտակ, Հրազդան քաղաքներում ձյուն է տեղում:
«Զանգեր» կոչվող հատվածում մառախուղ է, ինչը զգալիորեն նվազեցնում է տեսանելիությունը։
Գորայք-«Զանգեր» կոչվող հատվածում և Աշոցքի տարածաշրջանում բուք է:
Հաշվի առնելով եղանակային պայմաններն ու տեղումները՝ ՆԳՆ ոստիկանությունն ու Փրկարար ծառայությունը հանրապետության ողջ տարածքում իրականացնում են ուժեղացված ծառայություն՝ ապահովելով երթևեկության մասնակիցների անվտանգությունը։
«Հարգելի՛ քաղաքացիներ հորդորում ենք.
- երթևեկել բացառապես ձմեռային անվադողերով,
- լինել առավել զգոն և ուշադիր՝ պահպանելով երթևեկության կանոնները»,- կոչ է արվում ՆԳՆ հաղորդագրության մեջ:
