Հարավային Սուդանի հյուսիս-արևելքում ՄԱԿ-ի առաքելության ուղղաթիռի վրա հարձակման հետևանքով զոհվել է առնվազն 28 զինվոր, այդ թվում՝ գեներալ։
Այս մասին Ջուբայում կայացած ճեպազրույցում հայտարարել է տեղեկատվության, կապի, տեխնոլոգիաների և փոստային հարցերի նախարար Մայքլ Մակուեյ Լյուեթը։
Փոխհրաձգությունը տեղի է ունեցել Նասիր քաղաքից մի խումբ զինվորականների տարհանման ժամանակ: Մինչ այդ պայմանավորվածություն է ձեռք բերված եղել, որ զինվորականները քաղաքից տարհանվելու են ՄԱԿ-ի ուղղաթիռով, սակայն դեռևս անհայտ պատճառներով այն գնդակոծվել է:
