Քրեական հեղինակություն «Ֆազի»՝ Սերգեյ Գրիգորյանի սպանության գործով անցնող «Չաղ Ռուստամը»՝ Ռուստամ Ստեփանյանը կալանավորվել է:
Այս մասին «Հայկական ժամանակ»-ի հետ զրույցում հայտնեցին դատախազությունից՝ նշելով, որ վերջինս կալանավորվել է դատախազության՝ վերաքննիչ բողոքի բավարարման արդյունքում:
Իրավապահները քրեական հեղինակություն «Ֆազի» սպանության գործով հուլիսի 28-ին էին ձերբակալել քրեական հեղինակություն «Չաղ Ռուստամ»-ին, այնուհետև՝ կալանավորել: Այնուհետ «Չաղ Ռուստամը» փետրվարի 26-ին ազատ էր արձակվել կալանքից։
Սպանությունը տեղի էր ունեցել հունիսի 11-ին Երևանի Շինարարների փողոցում. Գրիգորյանին սպանել էին իր իսկ մեքենայում:
Սերգեյ Գրիգորյանը վերջին տարիներին հասցրել էր աչքի ընկնել տարբեր քրեական պատմություններով:
Համացանցում կադրեր էին հրապարակվել, որոնցում «Ֆազ» մականվամբ հայտնի Սերգեյ Գրիգորյանին ենթադրյալ սպանողը հեռանում է դեպքի վայրից:
