Էբոլա տենդի մեջ կասկածվող հիվանդը ուրբաթ երեկոյան հոսպիտալացվել է Պրահայում, նա Չեխիա է ժամանել Կոնգոյի Դեմոկրատական Հանրապետությունից, հիվանդի թեստերն ուղարկվել են Բեռլինի Ռոբերտ Կոխի ինստիտուտ՝ ախտորոշումը պարզելու համար, հայտնում է Novinky-ը՝ հղում անելով Չեխիայի առողջապահության նախարարությանը։
«Այդ անձը՝ ԱՄՆ քաղաքացին, Չեխիա է ժամանել մայիսի 6-ին՝ Ռուանդա և Կոնգոյի Դեմոկրատական Հանրապետություն կատարած ուղևորությունից, ուրբաթ օրը նա գնացել է Տաբորա քաղաքի հիվանդանոց (երկրի կենտրոնական մասում)՝ բողոքելով վատ ինքնազգացողությունից։
Այն բանից հետո, երբ տղամարդու մոտ կասկածելի էբոլա է ախտորոշվել, նա հատուկ տրանսպորտով բոլոր նախազգուշական միջոցներով ուղարկվել է Պրահայի Բուլովկա հիվանդանոց, որը մասնագիտացած է վարակիչ հիվանդությունների դեմ։ Ախտորոշումը ճշտելու համար հիվանդի անալիզներն ուղարկվել են Բեռլինի Ռոբերտ Կոխի ինստիտուտ»,- ասվում է հաղորդագրության մեջ։
Ինչպես հրապարակմանը հայտնել է հանրապետության առողջապահության նախարարության հանրային առողջության վարչության տնօրեն Մատյաս Ֆոսումը, շաբաթ օրվա կեսօրին վիրուսաբանները պարզել են, որ Չեխիայում 26 մարդ շփվել է ամերիկացու հետ։ Բժիշկները կապի մեջ են նրանց հետ և վստահեցնում են, որ նրանց վտանգ չի սպառնում։ Բուլովկայի հիվանդանոցի մամուլի ծառայությունից հայտնում են, որ հիվանդի վիճակը կայուն է։
