Ընդդիմությունը բոյկոտեց ԱԺ արտահերթ նիստը, որրի ընթացքում քննարկվում է «Հայաստան» խմբակցության պատգամավորներ Արթուր Սարգսյանին, Արծվիկ Մինասյանին և խմբակցության ղեկավար Սեյրան Օհանյանին անձեռնմխելիությունից զրկելու հարցը։
«Հաշվի առնելով Սեյրան Օհանյանի շուրջ ստեղծված իրավիճակը, և նաև մեր գործընկերների ներկայացրած մոտեցումները, մենք էլ Սեյրան Օհանյանի հարցի քննարկմանը չենք մասնակցելու»,- ասել է «Պատիվ ունեմ» խմբակցության պատգամավոր Տիգրան Աբրահամյանը։
«Մինչև դահլիճը լքեք, մի բան ասեմ։ Պարոն Արծվիկ Մինասյանի գործը և պարոն Օհանյանի գործը դրանք նույն գրեթե գործն են, և փաստացի դուք նաև բաց եք թողում պարոն Մինասյանի հետ կապված հարցի քննարկումը»,- ասել է Ալեն Սիմոնյանը։
Ընդդիմադիրները լքեցին դահլիճը։
