Black Sabbath ռոք խմբի մենակատար Օզզի Օսբորնի այրին, զավակներն ու հազարավոր երկրպագուներ Բիրմինգհեմի կենտրոնում վերջին հրաժեշտն են տվել ռոքի լեգենդին, գրում է Daily Mail-ը:
Երաժշտի մարմինը փողային նվագախմբի ուղեկցությամբ, դանդաղ հասցվել է, այսպես կոչված, Black Sabbath կամուրջ: Մեծ թվով մարդիկ են եկել հրաժեշտ տալու ծանր մետալի լեգենդին:
Ինչպես երևում է լուսանկարներում, հանգուցյալի այրին՝ Շերոն Օսբորնը, որդին՝ Ջեք Օսբերնը, չեն կարողացել զսպել արցունքները:
Ռոքի լեգենդի հուղարկավորությունը տեղի կունենա միայն ընտանիքի շրջապատում։
Օսբորնը Black Sabbath խմբի մենակատարն էր: Խումբը ստեղծվել էր Բիրմինգհեմում 1968 թվականին։ Այն դարձել է ամենահաջողակ մետալ խմբերից մեկը՝ ամբողջ աշխարհում վաճառելով ավելի քան 75 միլիոն ալբոմ։
