ՄԱԿ-ը ի գիտություն է ընդունել Ռուսաստանի և ԱՄՆ-ի նախագահներ Վլադիմիր Պուտինի և Դոնալդ Թրամփի բանակցությունները և ողջունել կառուցողական երկխոսությունը:
Այս մասին հայտնել է ՄԱԿ գլխավոր քարտուղարի ներկայացուցիչ Ստեֆան Դյուժարիկը:
«Մենք ի գիտություն ենք ընդունել ուրբաթ օրը Ալյասկայում կայացած ԱՄՆ-ի և ՌԴ-ի նախագահների գագաթնաժողովը։ Ողջունում ենք ՄԱԿ-ի անդամ պետությունների միջև կառուցողական երկխոսության շարունակումը»,- ասել է Դյուժարիկը։
Հիշեցնենք՝ Ալյասկայի Անքորիջ քաղաքի ռազմաօդային ուժերի Էլմենդորֆ-Ռիչարդսոն ռազմաբազայումում հանդիպել են ԱՄՆ-ի և Ռուսաստանի նախագահներ Դոնալդ Թրամփը և Վլադիմիր Պուտինը:
Հանդիպումն անցել է «3+3» ձևաչափով, հիմնական թեման՝ Ուկրաինայում պատերազմի ավարտի շուրջ բանակցությունները:
Սա Ուկրաինա ՌԴ-ի լայնածավալ ներխուժումից հետո ԱՄՆ-ի և Ռուսաստանի առաջնորդների առաջին հանդիպումն է եղել:
