ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է Չինաստանի հետ ազմավարական գործընկերության համաձայնության կնքմանը:
«Հերթական ձեռքբերումը՝ Չինաստանի հետ հաստատեցինք ռազմավարական գործընկերություն։
Իր պատմության ընթացքում ՀՀ արտաքին քաղաքականությունը երբեք այսքան հաջողած չի եղել։
Բալանսավորված և բալանսավորման քաղաքականության շնորհիվ ձեռք ենք բերում նոր գործընկերներ, իսկ արդեն գործընկերային հարաբերությունները հասցվում են ռազմավարական մակարդակի»,- ասվում է գրառման մեջ:
Հայաստանի Հանրապետությունը և Չինաստանի Ժողովրդական Հանրապետությունը ավելի վաղ հրապարակել են ռազմավարական գործընկերության կնքման մասին համատեղ հայտարարություն:
