ԱՄՆ պետքարտուղար Մարկո Ռուբիոն Իսրայելի վարչապետ Բենիամին Նեթանյահուի հետ քննարկել է Իրանում տեղի ունեցող բողոքի ցույցերը, հաղորդում է New York Times-ը՝ հղում անելով իր աղբյուրներին։
«Ռուբիոն շաբաթ առավոտյան հեռախոսազրույց է ունեցել Իսրայելի վարչապետի հետ», – գրում է հրատարակությունը։
Նշվում է, որ Իրանից բացի, Ռուբիոն և Նեթանյահուն քննարկել են նաև Սիրիայում ստեղծված իրավիճակը և Գազայի հատվածի համար կնքված խաղաղության համաձայնագիրը։
Թրամփը նախկինում զգուշացրել էր Իրանի իշխանություններին հետևանքների մասին, եթե ցուցարարներ սպանվեն։ Շաբաթ օրը Ամերիկայի նախագահը հայտարարեց Իրանին «օգնելու» Միացյալ Նահանգների պատրաստակամության մասին։
