ՌԴ Պետդուման ընդունեց օրենքների փաթեթ, որոնք խստացնում են միգրանտների Ռուսաստանում մնալու կանոնները և կարգավորում արհեստական բանականության ոլորտը։
Օտարերկրացիները պարտավոր են իրենց և իրենց ընտանիքի անդամներին ապահովել ոչ պակաս, քան իրենց աշխատանքային տարածաշրջանում մեկ շնչի հաշվով կենսապահովման նվազագույնը, բազմապատկած տարածաշրջանային գործակցով։ Սա չի կարող գերազանցել տարածաշրջանում ամսական միջին աշխատավարձը։ Եթե միգրանտը միաժամանակ աշխատում է մի քանի տարածաշրջաններում, հաշվարկը հիմնված է ամենաբարձր կենսապահովման նվազագույնի վրա։
Օրենքը նաև ներմուծում է միգրանտների եկամուտների մոնիթորինգի մեխանիզմ։ Հարկային մարմինները 3, 6, 9 և 12 ամսվա եկամուտների վերաբերյալ տեղեկատվություն կուղարկեն երկրի Ներքին գործերի նախարարություն։ Սոցիալական հիմնադրամը կփոխանցի զբաղվածության մասին տեղեկատվություն, և եթե օտարերկրացու եկամուտը իջնի սահմանված մակարդակից ցածր, նրա աշխատանքային պայմանագիրը կհամարվի դադարեցված, և նրա Ռուսաստանում մնալու ժամկետը կկրճատվի։
Ավելին, խստացվում են արտոնագրերի երկարաձգման պահանջները. արտոնագրերը չեն տրամադրվի կամ երկարաձգվի, եթե միգրանտի եկամտի վերաբերյալ տեղեկատվություն չկա, կամ եթե նրա եկամուտը ցածր է կենսապահովման նվազագույնից՝ բազմապատկած միգրանտի և յուրաքանչյուր անչափահաս կախյալ երեխայի տարածաշրջանային գործակցով։ Եթե արտոնագիրը չեղյալ է հայտարարվում կամ չի երկարաձգվում, օտարերկրացին և նրա երեխաները պարտավոր են լքել Ռուսաստանը 15 օրվա ընթացքում։
Դրանից բացի այլ փոփոպություններ են կատարվել։
