Սիրիայի մի շարք քաղաքներում բողոքի ցույցեր են բռնկվել այն բանից հետո, երբ կառավարությունը բարձրացրել է վառելիքի գները, ինչի հետևանքով ցուցարարները մի քանի ժամով փակել են գլխավոր ավտոմայրուղին, հաղորդում է Al Jazeera-ն։
Կիրակի օրը կառավարությունը դիզելային վառելիքի գինը բարձրացրել է 40 տոկոսով, իսկ բենզինի գինը՝ 28 %-ով՝ հայտարարելով, որ սա ժամանակավոր թանկացում է, որը պայմանավորված է վառելիքի ապահովման համաշխարհային ծախսերի կտրուկ աճով։
Հաղորդվում է, որ բողոքի ցույցեր են տեղի ունեցել Համայում, Խան Շեյխունում և Մաարաթ ալ-Նումանում։
Ներկայումս երկիրը օրական արդյունահանում է մոտ 102 հազար բարել նավթ, մինչդեռ ներքին սպառման համար նրան անհրաժեշտ է օրական մոտ 325 հազար բարել, և տարբերությունը ծածկելու համար այն ապավինում է ներմուծմանը, շաբաթ օրը հայտարարել է Սիրիայի էներգետիկայի նախարար Մոհամմեդ ալ-Բաշիրը։
Էներգետիկայի նախարարությունը հայտարարել է, որ կշարունակի վերանայել գները՝ կախված համաշխարհային շուկայում փոփոխություններից, և երկարաժամկետ հեռանկարում կաշխատի նավթի վերամշակման ու պահեստավորման հզորությունների ընդլայնման ուղղությամբ։
