Ժամը 12։00-ի դրությամբ Լեռնային Ղարաբաղից Հայաստան բռնի տեղահանվածների թվի փոփոխություն տեղի չի ունեցել:
Այն 100 հազար 632 է։
Այս մասին հումանիտար կենտրոնում ճեպազրույցի ժամանակ հայտարարեց ՀՀ վարչապետի մամուլի խոսնակ Նազելի Բաղդասարյանը։
Նա նշեց, որ հաշվառվածների թիվը այս պահի դրությամբ շարունակում է մնալ շուրջ 99 տոկոս, որը բավականին բարձր ցուցանիշ է․ «Այժմ Հայաստանի բոլոր համայնքներից հավաքգրվում են տվյալները և փորձում են համադրել, որպեսզի բացառվեն կրկնօրինակ ցուցանիշները»,-ասել է նա։
