Օգոստոսի 15-ին, խոշոր ավտովթար է տեղի ունեցել Գեղարքունիքի մարզում։
Ժամը 11:25-ի սահմաններում Գեղարքունիքի մարզի բնակիչ 27-ամյա Յուրիկ Հ.-ն իր վարած ЗИЛ-ММЗ մակնիշի՝ ավազով բարձված ավտոմեքենայով Սևան-Մարտունի-Գետափ ավտոճանապարհի 36 կմ հատվածում, դեռևս անհայտ հանգամանքներում, կողաշրջվել է:
Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։
Դեպքի վայր են ժամանել ՀՀ Ներքին գործերի նախարարության Ոստիկանության Պարեկային ծառայության Գեղարքունիքի մարզի գումարտակի 2-րդ վաշտի պարեկները՝ գումարտակի հրամանատար Ալբերտ Մարտիրոսյանի, գումարտակի հրամանատարի տեղակալ Իգոր Ղազարյանի, գումարտակի ծառայության տեսուչ Հրաչյա Գևորգյանի և վաշտի հրամանատար Արթուր Եղիազարյանի գլխավորությամբ։
Վթարի փաստով ՊԾ Գեղարքունիքի մարզի գումարտակում կազմվել են փաստաթղթեր, որոնք փոխանցվել են Հայաստանի Քննչական կոմիտեի Գեղարքունիքի մարզային քննչական վարչության Սևանի քննչական բաժին։
Ավտոմեքենան քաղաքացիների և պարեկների օգնությամբ վերամբարձ կռունկով դարձի է բերվել և տեղափոխել անվտանգ վայր։
Վարորդը տեղում ենթարկվել է սթափության փորձաքննության, եղել է սթափ։
