Մալայզիայի Սելանգոր նահանգում հինգշաբթի օրը փոքր ինքնաթիռ է կործանվել, որում եղել է ութ մարդ, հայտնում է Reuters-ը՝ վկայակոչելով երկրի քաղաքացիական ավիացիայի ղեկավարությանը։
Ինքնաթիռը կործանվել է Էլմինա քաղաքի մերձակայքում՝ Լանգկավի առողջարանային կղզուց թռչելուց հետո, որն ուղեւորվում էր Սուլթան Աբդուլ Ազիզ Շահի օդանավակայան, ասվում է գործադիր տնօրեն Նորազման Մահմուդի հայտարարության մեջ։
Ավելի ուշ հայտնի է դարձել, որ թեթև շարժիչով ինքնաթիռն ընկել է հենց բանուկ փողոց, ինչի հետևանքով զոհվել է ութ մարդ՝ ինքնաթիռում, իսկ երկու վարորդ՝ գետնին:
«Այս պահին կարող եմ ասել, որ ավիավթարի հետևանքով առնվազն 10 մարդ է զոհվել։ Անցնող երկու վարորդներ՝ մեկը մեքենայում, մեկը՝ մոտոցիկլետով, նույնպես մահացել են, ինչպես նաև օդանավում գտնվող ութ ուղևորները», — AFP-ին ասել է ոստիկանության խոսնակ Մուհամադ Իքբալ Իբրահիմը:
