Երևանի սուպերմարկետներում ստուգվում են պարենային և ոչ պարենային ապրանքների պիտանելիության ժամկետներն ու պահպանելու պայմանները: Վաճառքի ենթակա չեն նաև այն ապրանքները, որոնց վրա չկա կամ անընթեռնելի է ժամկետը:
Այս մասին հայտնում են Երևանի քաղաքապետարանի տեղեկատվության վարչությունից:
Նշվում է, որ հայտնաբերված ապրանքների փաստի առթիվ կազմվում է վարչական իրավախախտման վերաբերյալ արձանագրություն, և վաճառողը ենթարկվում է վարչական պատասխանատվության՝ 100-200 հազար դրամ տուգանքի:
Երևանի քաղաքապետարանն ստուգումներ է անում ինչպես ցանցային խոշոր սուպերմարկետներում, այնպես էլ փոքր ու միջին խանութներում: Տարեսկզբից մինչ օրս 50 արձանագրություն է կազմվել: Խախտումների մասին տեղեկատվությունն անմիջապես ուղարկում է սննդամթերքի անվտանգության տեսչական մարմին:
2023թ. այս ամիսների ընթացքում Երևանում ավելի քան 7.5 տոննա ժամկետանց սննդամթերք է ոչնչացվել:
Ժամկետանց սնունդը ոչ միայն արգելվում է վաճառել, քանի որ վտանգում է մարդկանց առողջությունը:
Ստուգայցերի ընթացքում տնտեսվարողները զգուշացվում են. «Վաճառողները պարտադիր պետք է ունենան բուժզննության գրքույկներ և լինեն համապատասխան արտահագուստով»: Ստուգայցերը շարունակական են:
