Վերջին տասնամյակում ԵՄ-ում շաքարային դիաբետով հիվանդ բնակիչների թիվը կրկնապատկվել է՝ հասնելով 32 միլիոնի։ Եվրահանձնաժողովը ձեռնամուխ է եղել հիվանդության դեմ պայքարի և կանխարգելման ծրագրի իրականացմանը, որը կարժենա 53 մլն եվրո: Այս մասին հայտնում է Euronews-ը՝ նշելով, որ աշխարհում նոյեմբերի 14-ին նշվում է շաքարային դիաբետի (ՇԴ) դեմ պայքարի համաշխարհային օրը:
Ըստ աղբյուրի՝ այս առիթով միջազգային առողջապահական կազմակերպությունները հիշեցնում են այս հիվանդության վտանգի և կանխարգելիչ միջոցառումների կարևորության մասին:
Մոլորակի յուրաքանչյուր տասներորդ բնակիչը դիաբետով հիվանդ է։ Բրիտանացի գիտնականների վերջին հետազոտությունը ցույց է տվել, որ ռիսկի խմբում են գտնվում նույնիսկ արյան մեջ գլյուկոզայի մի փոքր ավելի բարձր մակարդակ ունեցող մարդիկ:
