Բրազիլիայից մի բլոգեր բողոքել է, որ իրեն դուրս են հանել առևտրի կենտրոնից չափազանց բաց հագուստ կրելու համար, գրում է Mirror-ը։ Ինքը՝ բրազիլուհին, կարծում է, որ իր հանդերձանքում արգելված ոչինչ չի եղել։
Ջայան Լիմայի խոսքով՝ նա առևտրի կենտրոն է եկել կարճ կիսաշրջազգեստով և խորը կտրվածքով տոպով։ Կինը հագուստի ընտրությունը բացատրել է դրսում շատ շոգ եղանակով։ Սակայն երբ բրազիլուհին մտել է առևտրի կենտրոն, պահակները անմիջապես մոտեցել են նրան և խնդրել են լքել տարածքը։
«Ինձ նվաստացրել են։ Ես չեմ արել որևէ բան, որը խախտում է օրենքը: Եվ ես արժանի չէի, որ ինձ նվաստացնեն բոլորի առաջ։ Ամբողջ առևտրի կենտրոնը ինձ էր նայում, կարծես ես խանութ եմ թալանել կամ ինչ-որ հանցագործություն եմ արել»,- դժգոհում է Լիման։
Այն բանից հետո, երբ Ջայանը իր բաժանորդների հետ խոսել է միջադեպի մասին, մեկնաբանները նրա կողմն են անցել:
«Անհրաժեշտ է ձեռնարկել համապատասխան միջոցներ։ Անընդունելի է, որ դա Ձեզ հետ կրկնվի»,- կարծում է իր լսարանը։
