Այսպիսի բան հնարավոր է միայն Դուբայում: Ծաղկի խանութն առաջարկում է աշխարհի ամենաթանկ ծաղկեփունջը՝ Վալենտինի օրվա համար, որն արժե 82000 դոլար… բայց դրան կցված է նաեւ Hermès-ի պայուսակ:
Դուբայի FloBerry բուտիկի առաջարկած այս թանկարժեք ծաղկային կոմպոզիցիաները կարող են անիմաստ թվալ: Այնուամենայնիվ, դրանք լրացնում են անզուգական ոճով: Ծաղիկների բուտիկն «անվճար» Hermès պայուսակներ է առաջարկում նրանց, ովքեր կընտրեն ամենաթանկարժեք ծաղկային կոմպոզիցիաները:Ամենամատչելի փաթեթն արժե 44000 դիրհամ (12000 դոլար) եւ ներառում է Hermès Kelly Dépêches 25 ձեռքի պայուսակ, որը պատրաստված է սեւ Togo կաշվից:
13000 դոլար արժողությամբ ծաղկային հավաքածուն ներառում է Hermès Hac À Dos PM՝ Noir Black գույնով: Նրբաճաշակ ծաղիկների վրա 40,000 դոլար ծախսելով՝ կարող եք ձեր սիրելիին նվիրել խորհրդանշական Birkin 25 Ostrich ժամացույց՝ Hermès 2024 Apricot գույնի մեջ:
Ծաղկային հավաքածուի ամենաթանկ տարբերակն արժե 82,000 դոլար, որի դեպքում դուք ձեռք կբերեք Hermès Kelly 28 Crocodile պայուսակը:«FloBerry-ում մենք ձգտում ենք դուրս գալ սովորականի սահմաններից եւ վերաիմաստավորել շքեղ նվերները: Աշխարհի ամենաթանկ ծաղկային կոմպոզիցիաների մեր բացառիկ հավաքածուն՝ համակցված Hermès-ի խորհրդանշական պայուսակների հետ, վկայում է անզուգական տպավորություններ մատուցելու մեր հանձնառության մասին»,-ասել է FloBerry բուտիկի համահիմնադիր Յուջին Վեյգանդտը,-«Մենք հրավիրում ենք մեր խորաթափանց հաճախորդներին ապրելու արտասովորը եւ նշելու կյանքի պահերը անզուգական նրբագեղությամբ»:
