Վրաստանի մայրաքաղաք Թբիլիսիի հրաձգարանում պայթյուն է որոտացել, երկու մարդ է զոհվել։ Այս մասին հայտնում է Վրաստանի ՆԳՆ մամուլի ծառայությունը։
Ոստիկանության տվյալներով՝ դեպքը տեղի է ունեցել Բոչորմի փողոցի 12 հասցեում։ Բացի մահացածներից, դեպքի վայրում հայտնաբերվել է չորս տուժած, որոնք տեղափոխվել են հիվանդանոց։ Նրանց վիճակի մասին տեղեկությունները ճշտվում են։
Այս պահին հրաձգարանում աշխատում են փրկարարները, պարեկապահակային ծառայության աշխատակիցներն ու քրեագետները, ովքեր պարզում են դեպքի հանգամանքները։
