Վորոնեժում դպրոցականներին ստիպել են հանել կրծկալներն ու կիսավարտիքները նախքան միասնական պետական քննությանը մինչ դպրոց հասնելը, քանի որ ներքնազգեստում մետաղական դետալներին արձագանքել է շենքի մուտքի մոտ գտնվող մետաղական դետեկտորը: Այս մասին հայտնում է «Блокнот» պարբերականը։
Նշվում է, որ դեպքը տեղի է ունեցել թիվ 62 դպրոցում: Աշակերտուհիներից մեկի մայրը պատմել է, որ շրջանավարտները պետք է ռուսաց լեզվի քննություն հանձնեին։ «»Աղջիկներին ստիպում էին հանել կրծկալներն ու նույնիսկ կիսավարտիքը։ Երեխաները ստիպված էին պոկել հագուստի մետաղական մասերը՝ դրանք անպիտան դարձնելով: Հեռացնել պիրսինգը ոչ ստերիլ պայմաններում: Բրեկետներով երեխաներին թույլ են տվել մեկ ժամ անց, փորձել են ստիպել հանել»,- պատմել է կինը։
Վորոնեժի մարզի կառավարությունից հայտնել են, որ խնդրել են տեսանկարահանող սարքերի տեսագրությունները, եւ դրանց ուսումնասիրության հիման վրա մտադիր են եզրակացություններ անել քննության անցկացման կետի աշխատակիցների գործողությունների հիմնավորվածության վերաբերյալ: Միևնույն ժամանակ, նրանք հիշեցրել են այս տարվա քննության ընթացքում անվտանգության միջոցառումների նկատմամբ հատուկ ուշադրության մասին: Տարածաշրջանի կրթության նախարարությունը նույնպես վերահսկողության տակ է վերցրել իրավիճակը:
