Այսօր տեղի ունեցավ ԱՄՆ նախագահի հավանական հիմնական թեկնածուների հեռուստաբանավեճը, ըստ գրանցված հարցմանը մասնակիցների 33% տարբերությամբ 90 րոպե տևած բանավեճի արդյունքում առաջատար է համարվել ԱՄՆ նախկին նախագահ Դոնալդ Թրամփը։ Դեմոկրատները բանավեճից հետո սկսեցին խոսել Ջո Բայդենի հնարավոր փոխարինման մասին, սակայն, ինչպես նշել է NBC News-ը, դա այդքան էլ հեշտ չի լինի։
Հեռուստաալիքը նշել է, որ հրապարակայնորեն Դեմոկրատական կուսակցության ներկայացուցիչները շարունակում են մեծ մասամբ աջակցել ԱՄՆ նախագահ Ջո Բայդենին, սակայն մասնավոր կերպով քննարկումներ են սկսվել այն մասին, թե արդյոք Բայդենը պետք է շարունակի նախընտրական քարոզարշավը։ «Նա մի փոքր ապակողմնորոշված էր թվում», — ասում է Դեյվիդ Աքսելրոդը, ԱՄՆ նախագահ Բարաք Օբամայի վարչակազմի նախկին գլխավոր քաղաքական ստրատեգը: Հեռուստաալիքը նշել է, որ ժամանակակից ԱՄՆ-ում ոչ մի կուսակցություն չի փորձել փոխարինել իր թեկնածուին, մասնավորապես այն պատճառով, որ հասկանում է, որ այդ փորձը, ամենայն հավանականությամբ, ձախողվելու է: Կուսակցական կանոնները գրեթե անհնար են դարձնում թեկնածուին փոխարինել առանց նրա համաձայնության: Այսպիսով, ընդգծել է NBC News-ը, դեմոկրատների համար նոր թեկնածու ստանալու միակ հավանական սցենարը կլինի Բայդենի որոշումը՝ հանել իր թեկնածությունը։ Եվ քանի որ ոչ Բայդենը, ոչ էլ ինքը՝ կուսակցությունը նոր թեկնածու նշանակելու մեխանիզմ չունեն, դա «գործողության լիակատար ազատություն» կստեղծեր։ Հեռուստաալիքն առաջարկել է, որ օգոստոսին կայանալիք դեմոկրատների համագումարը կսկսվի «մաքուր թերթիկով», և այն պատվիրակները, ովքեր նախկինում հավատարիմ էին Բայդենին փրայմերիզներում, պետք է ընտրեն նոր թեկնածու: Բայց խնդիրն այն է, որ դեմոկրատները, Օհայոյում քվեաթերթիկների հետ կապված որոշ խնդիրների պատճառով, պլանավորում էին Բայդենին առաջադրել օգոստոսյան համաժողովից առաջ, և դեռևս ոչ մի նախանշան չկա, որ նրանք փոխել են ծրագրերը:
