Սոցիալական մեդիան կարող է բացասաբար ազդել ինքնագնահատականի վրա՝ ստեղծելով իդեալական արտաքինի պատրանք, որին դժվար է հասնել: Հաճախակի համեմատվելը ուրիշների հետ հանգեցնում է անվստահության զգացման, որն էլ իր հերթին վատթարանում է ձեր հոգեհուզական վիճակը: Դա հաստատել են նաև նոր ուսումնասիրության արդյունքները։
Տեսանյութերը, որոնք կանայք հրապարակում են TikTok-ում, մեծ ազդեցություն ունեն կանանց հոգեկանի վրա, ասվում է Plos One ամսագրում հրապարակված նոր հետազոտությանը նվիրված հոդվածում:
Բայց ինչո՞ւ ենք մենք այդքան հակված մեզ համեմատելու այլ կանանց հետ: Ինչո՞ւ ենք մենք դա անում: Ի՞նչ ենք ուզում ստանալ այդ համեմատություններից։ Այս հարցերի պատասխանները մեր հոգեբանական պաշտպանության բնույթի մեջ են:
Նարցիսիզմը, որի համար մենք մեղադրում ենք հասարակությանը, առկա է բոլորիս մեջ: Առողջ նարցիսիզմը լավ է, և կարևոր է այն զարգացնել ձեր մեջ, բայց կան նաև անհատի համար կործանարար դրսեւորումներ։ Նարցիսիզմն ունի երկու սուր հոգեբանական պաշտպանություն՝ իդեալականացում և արժեզրկում:
Սա այն է, ինչ օգնում է մեր հոգեկանին հարմարվել կյանքի հետ և ձևավորել վարքի սովորական ձևեր: Եթե մի անգամ նարցիսիզմի դրսևորումը մեզ օգնել է հաղթահարել ինչ-որ սթրեսային իրավիճակ, ապա հոգեկանը հիշում է դա որպես աշխատանքային սխեմա։ Երբ մենք մեզ համեմատում ենք ուրիշների հետ, հատկապես, եթե դա հանգեցնում է ինքներս մեզ արժեզրկման, դա նշանակում է, որ այլ իրավիճակներում մենք ինքներս կարող ենք նույն բանն անել, բայց այլ նպատակ ունենալով՝ բարձրացնել ինքներս մեզ:
Իդեալականացումը և արժեզրկումը երկու հիմնական պաշտպանությունն են, որոնք օգտագործում է նարցիսիստը: Այս մեխանիզմների մասին տեղյակ լինելը և ինքներս մեզ դիտարկելը կարող է օգնել հասկանալ, թե իրականում ինչից ենք վախենում:
10 միջոց, որոնք կօգնեն ձեզ դադարել համեմատվել ուրիշների հետ
1. Կենտրոնացեք ձեր նպատակների վրա
Ձեր ուշադրությունը փոխեք ուրիշների հաջողություններից դեպի ձեր նպատակները և այն քայլերը, որոնք պետք է անեք դրանց հասնելու համար:
2. Գիտակցում
Զբաղվե՛ք վերլուծությամբ՝ պարզելով, թե երբ և ինչու եք սկսում համեմատել ձեզ և գիտակցեք, որ սա միայն ձեր ներքին փորձառությունների արտացոլումն է:
3. Աշխատանք համոզմուքների հետ
Քննեք ձեր համոզմունքները, որոնք ընկած են համեմատությունների հիմքում: Միգուցե կարծում եք, որ արժանի չե՞ք հաջողության կամ սիրո:
4. Փնտրեք լավը
Սևեռեք ձեր ուշադրությունը բացասական մտքերից դեպի դրականը՝ դրանք փոխարինելով ձեր ուժեղ կողմերի և ձեռքբերումների մասին մտքերով:
5. Հիշեք ձեր հաջողությունների մասին
Ինքնագնահատականը բարձրացնելու համար ձեզ պարբերաբար հիշեցրեք ձեր նույնիսկ փոքր ձեռքբերումների մասին: Սովորեք նկատել դրանք:
6. Երախտագիտության օրագիր
Գրեք, թե ինչի համար եք շնորհակալ կյանքում։ Սա կօգնի ձեզ գնահատել այն, ինչ արդեն ունեք:
7. Սահմանափակեք սոցիալական ցանցերից օգտվելը
Փորձեք սահմանափակել սոցիալական ցանցերում ձեր ծախսած ժամանակը, հատկապես, եթե դա համեմատություններ է հրահրում:
8. Հարազատ միջավայր
Շրջապատեք ձեզ մարդկանցով, ովքեր աջակցում են ձեզ և հավատում ձեր հնարավորություններին: Երբեմն հրապարակային խոստումը կարող է հզոր շարժառիթ լինել ձեր նպատակներին հասնելու համար:
9. Զբաղվեք սիրելի գործով
Զբաղվեք նրանով, ինչ ձեզ ուրախություն է պատճառում և օգնում զարգանալ: Դա կարող է լինել հոբբի, սպորտ կամ մարզումներ:
10. Ձեր յուրահատկության գիտակցում
Սովորեք ընդունել ձեր թերություններն ու առանձնահատկությունները՝ հասկանալով, որ դրանք են ձեզ յուրահատուկ դարձնում:
