Թեհրանը տարածաշրջանում էսկալացիայի չի ձգտում, բայց «կարող է պաշտպանել իրեն», հայտարարել է Իրանի արտգործնախարար Աբբաս Արաղչին։ Պորտուգալական Diario de Noticias պարբերականին տված հարցազրույցում նա ասել է, որ Իրանը պատրաստ է Իսրայելի հետ պատերազմի, բայց դա չի ցանկանում։ «Իսրայելի ռեժիմը գիտի մեր հնարավորությունները։ Ի տարբերություն իսրայելցիների՝ մենք չենք ցանկանում էսկալացիա տարածաշրջանում։ Իհարկե, մենք պատրաստ ենք պատերազմի, նույնիսկ լայնածավալ պատերազմի։ Բայց սա մեր ցանկությունը չէ, մեր ընտրությունը չէ։ Եթե իսրայելցիներն ընտրեն այս տարբերակը, մենք լիովին պատրաստ ենք դրան։ Բայց նրանք պետք է պատասխանատվություն կրեն ցանկացած հետևանքի համար»,- ասել է պաշտոնյան։ Իրանական դիվանագիտության ղեկավարը կարծում է, որ Մերձավոր Արևելքում հակամարտությունների կարգավորման պատասխանատվությունը կրում է ԱՄՆ-ը։ Նրա կարծիքով՝ Իսրայելը «փորձում է ամբողջ տարածաշրջանը ներքաշել լայնամասշտաբ պատերազմի մեջ»։ Արաղչին համաձայն չէ, որ Իրանի դաշնակից «Հըզբոլլահ» շարժումը թուլացել է հարավային Լիբանանում երկամսյա մարտերից հետո: «Եթե այն թուլանար, ես չեմ կարծում, որ Իսրայելը կհամաձայներ հրադադարի»,- ասել է նա։ Թարգմանությունը՝ Տաթև Ֆռանգյանի
© factor.am
Իրшնի ԱԳ նախարարը հայտարարել է Իսրшյելի հետ լայնամասշտաբ պшտերազմի պատրաստակամության մասին
