Ավարտվել է Հակակոռուպցիոն կոմիտեի նախագահի պաշտոնի համար թեկնածություն առաջադրելու վերջնաժամկետը, դիմել է միայն մեկ թեկնածու` ԱԱԾ գլխավոր վարչության պետ Ռաֆայել Երիցյանը։
Այս մասին տեղեկացրել է մրցութային հանձնաժողովի անդամ Դանիել Իոաննիսյանը:
Թեկնածուի բարեվարքության եզրակացությունը ստանալուց հետո՝ հունվարին, ԶԼՄ-ների ու ՀԿ-ների ներկայությամբ կկազմակերպվի Երիցյանի հարցազրույցն ու քննությունը։ Անցողիկ շեմերը հաղթահարելու դեպքում Երիցյանի թեկնածությունը կներկայացվի նշանակման համար։
Հիշեցնենք, Հակակոռուպցիոն կոմիտեի նախագահ Սասուն Խաչատրյանը նոյեմբերի 18-ին պաշտոնից ազատման դիմում էր ներկայացրել:
