Չեռնոգորիայում հունվարի լույս 2-ի գիշերը Ցետինե քաղաքի բնակիչ Ացո Մարտինովիչը գնդակահարել է 12 մարդու:
Բարում վիճաբանելով հաճախորդներից մեկի հետ՝ նա գնացել է տուն և զենքով վերադարձել: Մարտինովիչը կրակել է հաստատության սեփականատիրոջ և մի քանի այլ անձանց վրա։ Այնուհետ կրակոցները շարունակել է փողոցում։ Սպանվածների թվում են բարի սեփականատիրոջ և իր ընտանիքի անդամները: Նրանց թվում երեխաներ կան:
Երբ ոստիկանները փորձել են հանցագործին ձերբակալել, նա ինքնասպանության փորձ է կատարել և հիվանդանոցի ճանապարհին մահացել։
Իրավապահները հայտնել են, որ Մարտինովիչը հայտնի է եղել ագրեսիվ պահվածքով և ավելի վաղ ձերբակալված է եղել ապօրինի զենք պահելու համար:
Տեղի ունեցածի կապակցությամբ, Չեռնոգորիայում եռօրյա սուգ է հայտարարվել:
Չեռնոգորիայի Ազգային անվտանգության խորհրդի նիստ է գումարվել: Օրակարգում են երկրի բոլոր քաղաքներում անօրինական զենքի հայտնաբերման և առգրավման գործողություններ իրականացնելու նախաձեռնությունը, ոստիկանության նոր աշխատակիցների ընդունման համար մրցույթ հայտարարելը, զենքի մասին նոր օրենքի անհրաժեշտության քննարկումը:
