Ուկրաինան կօգնի կայունացնել իրավիճակը Սիրիայում և հացահատիկ կմատակարարի։
Այս մասին սոցցանցի իր էջում հայտնել է Ուկրաինայի նախագահ Վլադիմիր Զելենսկին։
Զելենսկին հանդիպում է անցկացրել, լսել Սիրիա այցի վերաբերյալ Ուկրաինայի արտգործնախարար Անդրեյ Սիբիգայի և Ուկրաինայի ագրարային քաղաքականության նախարար Վիտալի Կովալի զեկույցը։ Քննարկել են Դամասկոսում բանակցությունների արդյունքները, անվտանգության և տնտեսական հեռանկարները։
«Ուկրաինան կօգնի Սիրիայում կայունացմանն ուղղված բոլոր ջանքերին: Սիրիական վարչակազմի և բոլոր գործընկերների հետ, ովքեր պատրաստ են աջակցելու, կստեղծենք «Հացահատիկ Ուկրաինայից» ծրագիրը համագործակցության համար»,- ասել է Զելենսկին՝ հավելելով, որ Ուկրաինան կապեր է պահպանելու եվրոպական երկրների և ԱՄՆ-ի հետ՝ ապահովելու Սիրիային առավելագույն աջակցությունը։
