Սեպտեմբեր 29-ից հոկտեմբեր 1-ը Վանաձորում տեղի կունենա Tech Week Vanadzor 2023 եռօրյա միջոցառումների շարքը, որի ընթացքում հայկական տեխնոլոգիական ու բիզնես համայնքի ներկայացուցիչները կմիավորեն իրենց փորձը, կքննարկեն տեխնոլոգիաների զարգացումները և ստեղծելու նոր հնարավորություններ մարզային համաչափ զարգացման համար։
Միջոցառման գլխավոր նպատակն է համայնքային համաչափ և շարունակական զարգացումը, փորձի փոխանակումը, նոր թիմերի ստեղծումը և երիտասարդների զինումը գիտելիքով ու հմտություններով։ Այն կստեղծի նոր հնարավորություններ, ինչպես նաև թույլ կտա բացահայտել մեր ողջ ներուժը և կնպաստի Հայաստանի հզորացմանը։
Միջոցառման հիմնական ուղղությունները տեխնոլոգիաներն են, բիզնեսը, մարկետինգն ու հանրային կապերը, դիզայնը։ Միջոցառումն անցկացվելու է ապակենտրոն՝ միաժամանակ 3 վայրում։
Վանաձորի Շառլ Ազնավուրի անվան մշակույթի պալատը կլինի միջոցառման հիմնական վայրը, կլինեն կոնֆերանս, ելույթներ, պանելային քննարկումներ, Վանաձորի տեխնոլոգիական կենտրոնում (VTC) սպասվում է ԴևHaks հաքաթոնը, իսկ Վանաձորի պետական համալսարանում (VSU)՝ «Wings» գաղափարների մրցույթը։
Մասնակցությունն անվճար է. անհրաժեշտ է նախապես գրանցվել հետևյալ հղումով․
Միջոցառման սկիզբը ազդարարող տեսահոլովակը կարող եք դիտել այստեղ:
Tech Week Vanadzor-ի կազմակերպիչներն են՝ Zealous, The Crowdfunding Formula և The Factory ընկերությունները։
