ՌԴ ԱԳ նախարար Սերգեյ Լավրովը հեռախոսազրույց է ունեցել ԱՄՆ պետքարտուղար Մարկո Ռուբիոյի հետ, հայտնել է ՌԴ ԱԳՆ-ն։
«Ամերիկյան կողմի նախաձեռնությամբ հեռախոսազրույց է տեղի ունեցել երկու երկրի արտաքին քաղաքական գերատեսչությունների ղեկավարների միջև»,- հայտնել են նախարարությունից։
Լավրովն ու Ռուբիոն պայմանավորվել են կանոնավոր շփումների մասին՝ նախագահներ Վլադիմիր Պուտինի և Դոնալդ Թրամփի հանդիպման նախապատրաստման համար։
