«Սպիտակ» բժշկական կենտրոնի ֆեյսբուքյան էջը լուսանկարներ է հրապարակել՝ կից գրությամբ․
«Բուժաշխատողի հանդեպ ցանկացած բռնություն պետք է պատժվի օրենքի ողջ խստությամբ. Վարդուհի Սիսակյան
Երեկ՝ փետրվարի 24-ին, բռնության հերթական դեպքն է տեղի ունեցել շտապ բուժօգնության բուժանձնակազմի նկատմամբ: Վերջին օրերին սա բուժաշխատողների հանդեպ տեղի ունեցած բռնության արդեն երկրորդ դեպքն է:
Իրենց մասնագիտական պարտքը կատարող, հաճախ սեփական կյանքը վտանգող ու ուրիշի կյանքի համար պայքարող բուժաշխատողների հանդեպ տեղի ունեցող ցանկացած ոտնձգություն պետք է արժանանա ոչ միայն իրավական գնահատականի, այլ նաեւ հասարակական պարսավանքի:
Սպիտակի բժշկական կենտրոնը խստորեն դատապարտում է տեղի ունեցած նմանատիպ ցանկացած դրսեւորում:
Բուժաշխատողի հանդեպ ցանկացած բռնություն պետք է պատժվի՝ օրենքի ամբողջ խստությամբ»։
