ԱՄՆ նախագահ Դոնալդ Թրամփը կարծում է, որ իր ռուս գործընկեր Վլադիմիր Պուտինը կկատարի Ուկրաինայի վերաբերյալ խաղաղ համաձայնագրի պայմանները, երբ այն կնքվի
Այս մասին նա ասել է Մեծ Բրիտանիայի վարչապետ Քիր Սթարմերի հետ հանդիպմանը։ Նրա խոսքերը մեջբերում է The New York Times-ը։
«Ես Պուտինին վաղուց եմ ճանաչում, և չեմ հավատում, որ նա կխախտի իր խոսքը»,- ասել է Թրամփը՝ պատասխանելով այն հարցին, թե ինչ կանի, եթե Ռուսաստանը, ի վերջո, չկատարի խաղաղության համաձայնագիրը:
Նա վստահություն է հայտնել, որ խաղաղության համաձայնագրի ստորագրումից հետո ռազմական գործողությունները չեն վերսկսվի։
«Եթե պայմանավորվել ենք, ուրեմն պայմանավորվել ենք: Եթե ես չհաղթեի ընտրություններում, չեմ կարծում, որ մենք այս պահին կխոսեինք Պուտինի կամ որևէ մեկի հետ»,- համոզմունք է հայտնել ԱՄՆ նախագահը։
