Հռոմի Պապ Ֆրանցիսկոսը, ով շարունակել է բուժում ստանալ թոքաբորբից, աստիճանաբար սկսել է վերադառնալ աշխատանքի, քանի որ նրա վիճակը բարելավվում է: Այս մասին հայտնել Է Սուրբ Աթոռի մամուլի ծառայությունը, փոխանցում է Vatican News-ը։
Ֆրանցիսկոսը օրն անցկացրել է աղոթքներով եւ «փոքրիկ աշխատանքով», զուգահեռաբար շարունակել է թերապիան։
Վատիկանը նաեւ հայտնել է, որ Հռոմի պապը մարտի 19-ի առավոտյան, երբ կաթոլիկները նշում էին Սուրբ Հովսեփի տոնակատարությունը, պատարագ է մատուցել:
«Պապի կլինիկական վիճակը շարունակում է բարելավվել։ Նրա բարձր հոսքով թթվածնային թերապիայի կարիքը նվազել է», — ասվում է հաղորդագրության մեջ։
«Բացի այդ, շարժողական եւ շնչառական ֆիզիոթերապիայի ֆոնին առաջընթացը շարունակվում է», — նշել են Սուրբ Աթոռի մամուլի ծառայությունում:
Բժիշկների խոսքով՝ Հռոմի Պապի մոտ թոքային վարակը հսկողության տակ է, թեև դրա հետևանքները դեռ ամբողջությամբ չեն վերացվել:
