Դոմինիկյան Հանրապետությունում գիշերային ակումբի տանիքի փլուզման հետևանքով զոհերի թիվը հասել է 124-ի։
Մինչ ողբերգությունը, Jet Set ակումբում մոտ 300 մարդ էր գտնվում։
Տանիքը փլվել է կեսգիշերին, երբ բեմում ելույթ էր ունենում երգիչ Ռուբի Պերեսը և նրա նվագախումբը։ Երգիչը արդեն դուրս է բերվել փլատակներից։
Փրկարարները շարունակում են որոնողական աշխատանքները` փլատակներում հնարավոր ողջ մնացածներին հայտնաբերելու համար։
Համաձայն Արտակարգ իրավիճակների կենտրոնի տվյալների՝ դեռևս անհայտ է, թե քանի մարդ է մնացել փլատակներում։
