Այսօր և առաջիկա 3 օրերին Հայաստանի առանձին շրջաններում անձրև և ամպրոպ է սպասվում։ Այս մասին հայտնում է Հիդրոօդերևութաբանության և մոնիտորինգի կենտրոնը։
Ապրիլի 11-14-ին գիշերը լեռնային շրջաններում տեղումները կդիտվեն ձյան տեսքով։
Առանձին շրջաններում սպասվում է քամու ուժգնացում՝ 18-22 մ/վ արագությամբ։
Օդի ջերմաստիճանն ապրիլի 11-ին կնվազի 5-7 աստիճանով։
Այսօր կարճատև անձրև է սպասվում նաև Երևանում, հնարավոր է նաև ամպրոպ։ Ցերեկը մայրաքաղաքում օդի ջերմաստիճանը կտատանվի +16-18, իսկ գիշերը` +3-5 աստիճանի սահմաններում։
