Գյումրիում այսօր ակցիա է անցկացվել, կարճատև ժամանակով փակվել է Սայաթ-Նովա փողոցի՝ դրամատիկական թատրոնի դիմացի հատվածը՝ ի նշան բողոքի և զգուշացման:
Խնդիրը կապված է այդ տարածքում առկա, հետիոտնի անցման համար նախատեսված գծանշման հետ, որը բազմաթիվ վթարների և վրաերթերի պատճառ է դառնում: 5 օրում վրաերթի 2 դեպք է գրանցվել այդ հետիոտնային անցման վրա:
Ակցիայի մասնակիցները «Հայկական ժամանակ»-ի հետ զրույցում նշեցին՝ ճանապարհը մի պահ փակում են, քանի որ տարիներ շարունակ բարձրացվող այս խնդրի լուծման այլ ելք արդեն չեն տեսնում:
