ԱՄՆ ղեկավարության կողմից Իրանի միջուկային ծրագրի «լիակատար վերացման» մասին հայտարարությունները կործանարար են և միայն խոչընդոտում են գործարքի կնքմանը: Այս մասին հայտարարել է Իրանի արտաքին գործերի նախարարության պաշտոնական ներկայացուցիչ Իսմայիլ Բաղաեյը, հաղորդում է «ՌԻԱ Նովոստի»-ն:
«Իրանը միշտ եղել է դիվանագիտական մոտեցման կողմնակից և պնդում է գործարքի շուրջ բանակցությունների շարունակման վրա», — ասել է արտաքին գործերի նախարարության ներկայացուցիչը:
Ապրիլի 26-ին ավարտվել է ԱՄՆ-Իրան բանակցությունների երրորդ փուլը հանրապետության միջուկային ծրագրի և Թեհրանի դեմ պատժամիջոցների վերացման վերաբերյալ: Ամերիկյան պատվիրակությունը գլխավորում էր նախագահ Դոնալդ Թրամփի հատուկ դեսպանորդ Սթիվեն Վիտկոֆը, իսկ իրանականը՝ արտաքին գործերի նախարար Աբբաս Արաղչին: Օմանի արտաքին գործերի նախարարության տվյալներով՝ կողմերը քննարկել են մի համաձայնագիր, որը ենթադրում է Իրանի լիակատար հրաժարում միջուկային զենքի մշակումից՝ պատժամիջոցների վերացման դիմաց, միաժամանակ պահպանելով Թեհրանի խաղաղ միջուկային էներգիա զարգացնելու իրավունքը:
