Թուրքական պաշտոնական հաստատությունները վերանայել են Իսրայելի կողմից Իրանի վրա հարձակումից հետո ստեղծված իրավիճակը, և Անկարան ուշադիր հետևում է իրադարձություններին։
Թուրքիայի արտաքին գործերի նախարար Հաքան Ֆիդանը այսօր Անկարայում կայացած անվտանգության նիստի արդյունքների վերաբերյալ իր ելույթում ասել է.
«Մեր երկիրը ամենաբարձր մակարդակով ձեռնարկել է անհրաժեշտ միջոցներ մեր տարածաշրջանում առկա անվտանգության ռիսկերի դեմ։ Դիվանագիտությունը պատերազմի միակ այլընտրանքն է»,֊ ասել է Ֆիդանը։
Նրա խոսքով` ԱՄՆ նախագահ Դոնալդ Թրամփի կողմից միջուկային բանակցությունների վերաբերյալ նախաձեռնված գործընթացում առաջընթացը հակամարտությունը լուծելու միակ ճանապարհն է։
