Կանադայի կառավարությունը կոչ է անում անհապաղ դադարեցնել ռազմական գործողությունները Լեռնային Ղարաբաղում, ինչպես նաև խնդրում է Ադրբեջանին վերականգնել հումանիտար միջանցքը դեպի տարածաշրջան։
Այս մասին երեքշաբթի օրը հայտարարել է Կանադայի արտաքին գործերի նախարար Մելանի Ժոլին։
«Կանադան լրջորեն անհանգստացած է Լեռնային Ղարաբաղում հումանիտար իրավիճակի սրմամբ և վատթարացմամբ՝ կապված Ադրբեջանի պաշտպանության նախարարության հայտարարած ռազմական գործողությն հետ», — ասել է Ժոլին՝ նշելով, որ Կանադան կոչ է անում անհապաղ դադարեցնել ռազմական գործողությունները Լեռնային Ղարաբաղում։
Բացի այդ, «կոչ է արվում Ադրբեջանի կառավարությանը զերծ մնալ ցանկացած գործողությունից, որը սպառնալիք է Լեռնային Ղարաբաղի խաղաղ բնակչության անվտանգությանն ու բարեկեցությանը» և «բարի կամք դրսևորել՝ վերականգնելու մարդասիրական հասանելիությունը Լեռնային Ղարաբաղ՝ սննդամթերքի, դեղորայքի և այլ առաջին անհրաժեշտության պարագաների առաքման համար։
Ժոլիի խոսքով՝ Կանադան կողմ է հակամարտությունը բանակցությունների միջոցով կարգավորելուն։
