ԱՌԱՋԻՆ ՏԻԿՆՈՋՆ ԷԼ ՁԵՐԲԱԿԱԼԵՑԻՆ

Դիտում ՝ 21 687

Սեուլի կենտրոնական շրջանային դատարանը ձերբակալել է Կիմ Կոնգ Հիին՝ Հարավային Կորեայի ձերբակալված՝ նախկին նախագահ Յուն Սոկ Յոլի կնոջը, հաղորդում է Renhap-ը։

Նա մեղադրվում է բաժնետոմսերի խարդախության, կաշառակերության և ընտրություններին միջամտելու մեջ։

Նախկին առաջին տիկինը հերքում է մեղադրանքները։ Դատարանը, ձերբակալության վերաբերյալ որոշում կայացնելիս, հաշվի է առել, որ Կիմ Կոնգ Հին կարող է ոչնչացնել ապացույցները, եթե ազատ արձակվի։

Renhap-ը նշում է, որ Հարավային Կորեայի պատմության մեջ առաջին անգամ նախկին նախագահը և նրա կինը միաժամանակ ձերբակալված են։

Մեղադրողների խոսքով՝ Կիմը ավելի քան 800 միլիոն վոն (մոտ 577,000 դոլար) է վաստակել՝ մասնակցելով Հարավային Կորեայում BMW դիլեր Deutsch Motors-ի բաժնետոմսերի գինը բարձրացնելու սխեմային։ Նա նաև մեղադրվում է Համընդհանուր խաղաղության միավորման եկեղեցուց երկու Chanel պայուսակ և ադամանդե վզնոց ստանալու մեջ՝ «գործարար ծառայություններ» ստանալու դիմաց, ինչպես նաև 2022 թվականի խորհրդարանական ընտրություններում թեկնածուների առաջադրմանը միջամտելու մեջ։

Ամբողջական հոդվածը կարող եք կարդալ այս հասցեով՝ : https://hraparak.am/post/43a5cb59a53efa6a07b9b77f7709f105