Թուրքիայում շարունակվում են անտառային հրդեհները:
Գելիբոլուի (Թուրքիա, Չանաքքալե նահանգ) անտառածածկ տարածքում բռնկված հրդեհը մարվում է օդից և ցամաքից։
Ինչպես հաղորդում է TRT Haber-ը, այստեղ հրդեհը հատկապես մոլեգնել է օգոստոսի 16-ին և քամու ազդեցությամբ արագորեն տարածվել Էջեաբատի անտառածածկ տարածքներ: Հրդեհը շարունակում է մարվել Գելիբոլուի Թայֆուր և Ջումալի գյուղերի միջև գտնվող անտառածածկ տարածքում։
Չանաքքալեի նահանգապետ Օմար Թորամանը իր սոցցանցերի էջում հայտարարել է, որ անվտանգության նկատառումներից ելնելով՝ Թայֆուրի 5 գյուղերից 251 բնակիչ տեղափոխվել է անվտանգ տարածք, իսկ նրանցից 112-ը տեղավորվել են Էջեաբատի հյուրանոցում։
Նա հավելել է, որ անտառտնտեսության աշխատողների գլխավորությամբ բոլոր հաստատություններն ու թիմերը շարունակում են պայքարել հրդեհի դեմ։ Նրա խոսքով՝ այս պահին հրդեհը չի տարածվել տարհանված բնակավայրեր։
