Վրաստանի վարչապետ Իրակլի Կոբախիձեն հայտարարել է, որ չի հավատում, որ Եվրամիությունը կդադարեցնի առանց վիզայի ռեժիմը։
Նա պնդել է, որ Բրյուսելն արդեն օգտագործել է Թբիլիսիի վրա «ճնշման բոլոր գործիքները», իսկ առանց վիզայի ռեժիմի հնարավոր չեղարկումը կլինի վերջին լծակը։
«Ես չեմ սպասում, որ ԵՄ-ն կդիմի այս քայլին։ Եթե նրանք օգտագործեն այս վերջին միջոցը, չեն հասնի իրենց նպատակներին և չեն կարողանա իշխանության վերադարձնել «Ազգային շարժմանը»,- ասել է վարչապետը։
Նա նաև առանց վիզայի ռեժիմի հնարավոր կասեցումը անվանել է «ոչ պրագմատիկ»։
