Նոյեմբերի 25-ի գիշերը ռուսական զորքերը Ուկրաինայի ուղղությամբ ևս մեկ զանգվածային հարձակում են ձեռնարկել՝ օգտագործելով տարբեր տեսակի զենքեր՝ ծովային թևավոր հրթիռներ, բալիստիկ հրթիռներ և մեծ թվով գրոհային անօդաչու թռչող սարքեր։
Կիևի վրա ռուսական համակցված հարվածի հետևանքով զոհերի թիվը հասել է վեցի, ևս 13-ը վիրավորվել է։
Մոտավորապես ժամը 1:00-ին Կիևում լսվել են մի շարք հզոր պայթյուններ։ Դրանից առաջ ռազմաօդային ուժերը նախազգուշացրել էին Ռուսաստանի տարածքից Ուկրաինայի մայրաքաղաքի ուղղությամբ բալիստիկ հրթիռների արձակման և անօդաչու թռչող սարքերի հարձակման մասին։
Կիևի քաղաքապետ Վիտալի Կլիչկոն հայտարարել է, որ մայրաքաղաքի որոշ շրջաններում տեղի են ունեցել էլեկտրաէներգիայի և ջրի անջատումներ։
Հարվածներ են գրանցվել Պեչերսկի և Դնեպրովսկի շրջանների բնակելի շենքերում։ Եղել են վնասներ և հրդեհներ։ Ժամը 7:00-ից հետո ռուսները կրկին հրթիռներ են արձակել Կիևի վրա, և պայթյուններ են լսվել ամբողջ քաղաքում։
