ԿՈՉ ԴԱՏԱՊԱՐՏՅԱԼՆԵՐԻՆ ԵՎ ՆՐԱՆՑ ԸՆՏԱՆԻՔԻ ԱՆԴԱՄՆԵՐԻՆ
«ԴԵՄ ԵՄ» Քաղաքացիական Շարժման բազմամսյա ստորագրահավաքը և հանրային ճնշումը ցույց տվեցին մի շատ կարևոր ճշմարտություն.
Ժողովրդի ձայնը կարող է ազդել իշխանության որոշումների վրա։
Շնորհակալություն ենք հայտնում ՀՀ արդարադատության նախարար Տիկին ՝ Սրբուհի Գալյան -ին՝ պաշտոնական գրավոր և բանավոր պարզաբանումների համար, որոնցում ներկայացվել է համակարգի նոր շեշտադրումը՝
պատժի անհատականացում,
վերասոցիալականացում,
պայմանական վաղաժամկետ ազատում,
խափանման միջոցների փոփոխություն (այդ թվում՝ տնային կալանք),
և ազատազրկմանը փոխարինող այլ միջոցների կիրառություն։
Սա նշանակում է մեկ բան՝
Յուրաքանչյուր դատապարտյալ և կալանավորված անձ այսօր ունի իրական հնարավորություն իր ազատությունը պահանջելու՝ օրենքով սահմանված կարգով։
Անհատական համաներումները, խափանման միջոցների փոփոխությունը, վաղաժամկետ ազատման մեխանիզմը՝
այս բոլորը գործիքներ են, որոնք պետությունը պարտավոր է կիրառել արդար, հումանիստական և անհատական մոտեցմամբ։
Բայց այդ հնարավորությունը պետք է օգտագործված լինի։
ՄԵՐ ԿՈՉԸ — Դիմեք հիմա․ սա ձեր պահն է
Դատապարտյալներին և նրանց ընտանիքներին ուղղված մեր ուղերձը պարզ է.
Մի սպասեք։ Դիմեք։
Եթե ձեր ընտանիքի անդամը՝
երկար ժամանակ է մնում անազատության մեջ,
ունի դրական վարքագիծ,
ունի առողջական, սոցիալական կամ ընտանեկան ծանր խնդիրներ,
կամ նրա նկատմամբ կիրառված խափանման միջոցը անհամաչափ է,
ապա դիմեք հետևյալ միջոցառումների համար.
պայմանական վաղաժամկետ ազատում,
խափանման միջոցի փոփոխություն,
անհատական համաներում։
Այս ճանապարհը աշխատում է։
Այն աշխատեց շատերի համար։
Այն կարող է աշխատել նաև ձեր ընտանիքի համար։
Ժողովրդի ճնշումն արդեն տվել է առաջին արդյունքը
Մեր ստորագրահավաքը, մեր պայքարը, մեր հետևողականությունը ստիպեցին պետական համակարգին արձագանքել։
Սա ապացույց է, որ քաղաքացիների շարունակական պահանջը կարող է իրականություն փոխել։
Այժմ հերթը ձերն է։
Դուք պետք է սկսեք ձեր գործընթացը։
Մենք ձեր կողքին ենք։
Ժողովրդի ձայնը պետք է լինի լսելի
Այսօր արդեն պարզ է․
Ոչ Նախկին, Ոչ Ներկա — միայն ժողովուրդն է, ով կարող է փոխել իրականությունը։
Մեր շարժման ուղերձը նույնն է ու մնում է անփոփոխ՝
Ժողովրդի ձայնը պետք է լսելի լինի։
Եվ այդ ձայնը սկսվում է ընտանեկան ցավից, արդարության սպասումից, ազատություն վերադարձնելու հումանիտար պահանջից։
Կապ մեզ հետ՝ աջակցության կամ խորհրդատվության համար
+374 91 18 00 07«ԴԵՄ ԵՄ» Քաղաքացիական Շարժում
«Ժողովրդի ձայնը լսելի է» կուսակցություն
«Ստորագրահավաքի ազդեցությունը, անհատական համաներման որոշումը և ժողովրդի ակնկալիքները»
Ձեռքբերում — 1 փուլի ամփոփում
«ԴԵՄ ԵՄ» Քաղաքացիական Շարժման բազմամսյա ստորագրահավաքը՝ հազարավոր քաղաքացիների մասնակցությամբ, ունեցավ իր արդյունքը.
Արդարադատության նախարարությունը պաշտոնապես արձագանքեց՝ հայտարարելով, որ համաներումները իրականացվելու են անհատական կարգով։
Նախարարության ներկայացրած հիմնավորումներով՝
համակարգը որդեգրել է պատժի անհատականացման նոր մոտեցում,
առաջնահերթ նպատակ է ընչունում վերասոցիալականացումը,
ակտիվացվում է պայմանական վաղաժամկետ ազատման ինստիտուտը,
խթանվում են ազատազրկմանը փոխարինող միջոցները,
— ինչի արդյունքում նվազել է համընդհանուր համաներման կիրառման անհրաժեշտությունը։
Մեր վերլուծությամբ, սա չի եղել ինքնաբուխ որոշում։
Սա ուղղակի հետևանք է հանրային ճնշման և համառ ստորագրահավաքի։
Միաժամանակ, համընդհանուր համաներման անտեսումը, ըստ երևույթին, պայմանավորված է նաև քաղաքական հաշվարկներով․
երկրի ներսում կան գործող գործեր ազդեցիկ պաշտոնյաների վերաբերյալ, և իշխանությունը ընտրեց «քիչ տեսանելի»՝ անհատական մոտեցում։
Մեր բարձրացված հարցերը նախարարությանը
Վանիկ Նիկոյանի կողմից նախարարությանը ուղարկված պաշտոնական դիմումում բարձրացվել են հետևյալ կարևոր հարցերը․
Ինչու՞ երեք ամիս տևած ստորագրահավաքը մնաց անտեսված, այն դեպքում, երբ կալանքից ազատվել են նաև քաղաքական ղեկավարները, այդ թվում՝ Նիկոլ Փաշինյանը։
Պռոբացիայի ծառայության ֆինանսական մեծացրած միջոցները ինչու չեն օգտագործվում տնային կալանքի և ընտանիքների վերամիավորման համար։
Եթե ընդունվում է, որ տարիներ շարունակ եղել են կարված գործեր և դատական համակարգի կոռուպցիա, ապա ինչու՞ այսօր այդ հետևանքները չեն շտկվում համաներմամբ կամ խափանման միջոցների փոփոխմամբ։
Վանիկ Նիկոյանն իր հայտարարության մեջ նշել է․
«Երկխոսությունը իսկական է միայն այն ժամանակ, երբ պետությունը լսում է ժողովրդին։
Եթե երեք ամիս տևած ստորագրահավաքը և հազարավոր քաղաքացիների ձայները անտեսվել են, ապա փոփոխությունը դադարում է լինել ներսից՝ և դառնում է իշխանափոխության պահանջ»։
Նոր քաղաքական ուղերձ — Ժողովրդին տալու ենք առաջադրվելու Իրական հնարավորություն
Մուտք ենք գործում նախընտրական նոր փուլ։
Կուսակցությունն առաջարկում է նոր, ժողովրդական մոդել՝
Հրավիրում ենք քաղաքացիներին առաջադրվել պատգամավոր՝ «Ժողովրդի ձայնը լսելի է» կուսակցության համամասնական ցուցակով։
Այո, հենց այնպես։
Առանց կոռուպցիոն խմբերի, առանց կուսակցական ներսի խաղերի, առանց կուսակցական քվոտաների։
Ժողովուրդը պետք է ունենա իր իրական թեկնածուներին։
Մենք ՁԵԶ ենք հրավիրում՝
գալ, առաջադրվել, մասնակցել, որոշել և լինել փոփոխության մասնակից։
«ԴԵՄ ԵՄ» Քաղաքացիական Շարժում
«Ժողովրդի ձայնը լսելի է» կուսակցություն
Վանիկ Նիկոյան
+374 91 18 00 07Ժողովրդի ձայնը պետք է լինի լսելի — սա է մեր անփոփոխ ուղերձը։
