Մայրաքաղաքում առավոտից կազմակերպված միջոցառումների հետևանքով կարճ ժամանակով փակվել էին որոշ փողոցներ, որոնք ՆԳՆ ոստիկանության գործողությունների արդյունքում արագ բացվել են:
Այս մասին հայտնում են Ներքին գործերի նախարարությունից՝ նշելով, որ այս պահին մայրաքաղաքում փակ փողոցներ չկան:
Հիշեցնենք, որ ընդդիմությունը մի քանի օր է՝ բողոքի ակցիաներ է իրականացնում Երևանում՝ խաթարելով վարորդների և անցորդների շարժը:
