Տևական ժամանակ որևէ հրապարակում չեմ արել հաղթանակած դատական ակտերի վերաբերյալ, բայց այս մեկով հարկեմ համարում կիսվել:
Այսօր Արարատի և Վայոց Ձորի մարզերի առաջին ատյանի ընդհանուր իրավասության դատարանը(նախագահությամբ դատավոր Ռ. ԱՄԻՐՋԱՆՅԱՆԻ) քննարկելով ՀՀ քրեական օրենսգրքի 267-րդ հոդվածով(Կեղծ թղթադրամերի իրացում) նախատեսված հանցակազմի հատկանիշներով մեղադրյալի կալանավորման ժամկետը ևս 2 ամսով երկարաձգելու վերաբերյալ քննիչի ներկայացրած միջնորդությունը որոշեց մերժել այն և դատարանի դահլիճից կալանավորված մեղադրյալին ազատ արձակել :
Որոշման բացառիկությունը կայանում է նրանում, որ կայացրած որոշմամբ դատարանն ըստ էության իրավացիորեն արձանագրել է մեղադրյալի կատարած գործողությունների ակնհայտ սխալ իրավական որակմանը, միաժամանակ նշելով, որ հուշանվեր «թղթադրամի» իրացման դեպքում խոսք կարող է լինել, ոչ թե կեղծ փողի իրացման, այլ խարդախության հասարակ հանցակազմի մասին, ինչը ոչ մեծ ծանրության հանցանք է:
Լիահույս եմ, որ նմանատիպ դատական ակտերը կզսպեն այն սխալ գործելաոճը, երբ հուշանվեր(Souvenir)թղթադրամների շրջանառությունը որակվի ոչ թե կեղծ փողի իրացման, այլ խարդախության հանցակազմով:
