Իսրայելի վարչապետ Բենիամին Նեթшնյահուի կառավարությանը մոտ կանգնած «Israel Hayom» թերթը հրապարակել է վերլուծություն, որում նշվում է, որ Իրանը այլևս երկրի հիմնական սպшռնալիքը չէ: Թերթի տվյալներով՝ Իսրայելի համար հիմնական ռիսկը այժմ գալիս է Թուրքիայից՝ նախագահ Ռեջեփ Թայիփ Էրդողանի գլխավորությամբ:
Հոդվածում նշվում է, որ Անկարան ամրապնդում է իր ազդեցությունը Մերձավոր Արևելքում ոչ միայն ռազմական, այլև քաղաքական և դիվանագիտական առումով: Թերթի աղբյուրները պնդում են, որ Թուրքիան կարող է փորձել շրջափակել Իսրայելը և զգալիորեն բարդացնել նրա իրավիճակը:
«Israel Hayom»-ը գրում է, որ Թուրքիան նպատակ ունի դառնալ տարածաշրջանի հիմնական տերություն հաջորդ 10 տարիների ընթացքում, իսկ Սիրիայի իրադարձությունները և Անկարայի աճող դերը լուրջ մտահոգություն են առաջացնում Թել Ավիվում: Վերլուծության հեղինակ Ամիթ Սեգալը շեշտում է, որ Իսրայելի իշխանությունները պետք է իրենց ռազմավարական ուշադրությունը Իրանից տեղափոխեն Թուրքիա:
